belajar marhata-hata

(JAMITA I) Jamita Hasolkotan Assalamu’alaikum Wr.Wb Pertama-tama mari hita panjatkan puji syukur tu Tuhanta namarkuasoi harana ni aha, di lehen dope di hita nikmat kesempatan, hita dapot marlagut jana marpungu di bagas namartua on. Songoni salawat dan salam tu arwa ni Nabi besar Muhammad Saw. Mudah-mudah an disyafaatkon ibana hita di hari naparpudi. Sattabi sappulu sappulu noli au marsattabi tu tua sahala ni hita namarkoum marsisolkot ima natardiri sian Kahanggi, anak boru, mora, natobang, songoni hula ni banua raja. Apalagi di opputta Raja tobang nasian bagas godang pada umumna hita namar lagut di bagas namartua on. Attong baen naro hami di borngin ni arion, ima namar kahanggi, maranakboru, marnatobang songoni namarraja baen na adong maksutna, ipe hupabanjar jolo saotik, sian pakkal lopus tu ujungna. Ima taringot di anak nami nagodang pamatangna namuba di pangalohona. Nian hami ngada lupa ngada lolos manuturi na dohot hata poda-poda songoni sipaingot, muda lakkaho

MARSAPA TU NATOBANG Assalamu’alaikum Wr.Wb. Salam dohot hormatku tu sude hita koum marsisolkot. Parjolo mai hormat tu barisan kahanggi, anakboru, mora, natobang natoras dohot napatut, pangait pangatogu ni banua on, tar pasurung tar palobi mai tu oppui namijur sian bagas godang. Tutu madai nakkinini di torang ni ari, ro madai taon-taon nami di hita koum marsisolkot anso dapot hadir tu bagas on dung salose solat isya. Mudah-mudahna tombal naso marhalangan, maradu koum sisolkot, dapot dope mangurupi undangan nami. Tibo nakkinin lalu hita tu